GENERAL SANTOS CITY – May igong panahon pa ang mga
negosyante sa dakbayan sa pagparenew sa ilang business permit.
Padayon ang panawagan ni Geraldine Zamora, division chief sa Business Permits and Licensing Division sa syudad sa mga negosyante nga magparenew na kung asa online ang proseso.
Nagsugod ang renewal sa miaging Enero 3 2023 og mahuman sa Enero 20 2023.
Galaum si Zamora nga kapin sa 10, 000 nga mga negosyo ang maka-renew sa ilang business permits.
Kahibaluan nga sa miaging tuig, kapin sa 9,000 kapin ang nagrenew sa business permits.
Tungod dili tanan makamao sa online nga proseso sa renewal, nagbutang ang Business Permits Division sa ilang mga personahe sa entrance nga bahin sa Investment Building aron mutabang sa mga dili kahibalo sa bag-ong pamaagi sa pagrenew sa business permit.
