-- ADVERTISEMENT --
GENERAL SANTOS CITY – Malipayon si Kag. Lourdes “Lulu” Casabuena gumikan nabakunahan na batok sa COVID 19. Kagahapong adlawa maoy labing unang dose sa vaccine ang naangkon ni Casabuena.
Gibutyag ni Casabuena nga sila magpamatuod nga walay angayang kabalak-an kung magpabakuna batok sa COVID 19.
Sa pamahayag sa nasampit nga opisyal nga excited siya nga mabakunahan aron may proteksyon ang iyang kaugalingon og pamilya batok sa corona virus.
Kauban ni Casabuena nga nabakunahan gamit ang Sinovac vaccine si Kagawad Rosalita Nuñez.
Nalakip sila sa priority list nga bakunahan gumikan ang duha ang pulos mga senior citizen.
-- ADVERTISEMENT --
Kahibaluan nga hangtud sa Abril 24 ang pagbakuna sa mga senior citizen og magpaabot sa sunod nga bakuna nga muabot sa syudad.
