GENERAL SANTOS CITY – Wala tagda sa mga motorista ang panawagan sa mga nagwelga nga grupo nga paralisahon ang dagan sa transportasyon niining adlawa atul sa ikaduha nga adlaw sa transport strike.
Kini human gilabay-labayan lamang sa mga traysikel ang mga nagwelga kaganihang buntag human gisaway ang gobyerno nga gamiton ang electric jeep ug traysikel.
Gisinggit sa mga welgista nga hilabihan kabug-at alang kanila ang pagpalit sa nahisgutang matang sa sakyanan nga nagkantidad ug P1.6 milyon samtang ang traysikel ang nagkantidad ug P400,000.00.
Luyo sa panawagan nga ilang paralisahon ang dagan sa transportasyon apan wala kini epekto tungod pipila lamang ang nagpakita ug suporta ngadto sa nagwelga nga grupo.
Gani apektado ang mga estudyante kay ulahi na nagdeklara ang Department of Education nga isibug ang klase niining adlawa hinungdan adunay pipila nga nakaabut gayud sa ilang tulunghaan ug didto pa sila masayod nga holiday diay karong adlawa.
