Nag-isyu og show cause orders ang quad-committee House of Representatives kagahapon sa pipila ka mga indibidwal lakip si Alberto Rodulfo “AR” Dela Serna, ang “executive assistant” ni kanhi presidential spokesperson Harry Roque, sa gipahigayon nga pagdungog sa Bacolor, Pampanga.
Lakip si Dela Serna sa mga indibidwal nga wala mitambong sa pagdungog kagahapon isip kabahin sa nagpadayong imbestigasyon sa Philippine Offshore Gaming Operators (POGOs), illegal drug trade, og extrajudicial killings (EJKs) nga adunay kalabotan sa war on drugs sa Duterte administration’s.
Wala usab naktambong si Atty Harry Roque tungod adunay scheduled appearance kini sa Manila Regional Trial Court (RTC).
Tungod niini gipaabot sa quad-committee ang Secretariat aron beripikahon ang rason ni Roque pinaagi sa pakig-alayon sa RTC.
Kung dili tinuod, magpagawas usab og show cause order ang komite batok kaniya.
Si Abang Lingkod Rep. Joseph Stephen Paduano, chair of the House Committee on Public Accounts ang nag-moved aron magpagawas ug show cause orders.
Ang mosyon giaprubahan ni Surigao del Norte 2nd District Rep. Robert Ace Barbers, chairman sa Committee on Dangerous Drugs og nagsilbi nga lead chairman sa quad-committee.
Nagpadayag og kabalaka ang mga house members sa wala pagtambong sa pipila ka mahinongdanong resource aperson.
Lakip sa mga gipa-summoned sa quad committee silang Acting Mayor Eraño Timbang, mga department heads gikan sa Bamban, Tarlac, og mga officials gikan sa Hongsheng Gaming Technology Inc., sama nilang Thelma Laranan og Yu Zheng Can.
Lakip usab sa show cause orders ang incorporators sa Baofu Land Corporation, lakip si dismissed Bamban Alice Leal Guo og Bernard Chua.
Gipangayuan usab og pagpaklaro ang pipila ka opisyal gikan sa Lucky South 99 Outsourcing Inc. og Lucky South 99 Corp., lakip si President Julian M. Linsangan III, og ang incorporators sa Whirlwind Corp. nga silang Josefina B. Mascarenas og Duanren Wu.
