Wala magdugay human mapildi ang Oklahoma City Thunder batok sa San Antonio Spurs sa Western Conference Finals, gisugdan dayon sa Thunder star nga si Shai Gilgeous-Alexander ang pagtan-aw sa sunod nilang lakang.
Bisan napildi, nagpabilin nga positibo si Gilgeous-Alexander ug andam nga ipakita pag-usab ang ilang kusog sa Game 7 nga pagadulaon karong Sabado sa Oklahoma City alang sa puwesto sa National Basketball Association Finals.
Importante kaayo ang maong dula tungod kay ang modaog makasulod sa NBA Finals ug makigsangka sa New York Knicks sugod karong Miyerkules.
Kini usab ang unang Game 7 sa Western Conference Finals sukad sa panagsangka sa Golden State Warriors ug Houston Rockets niadtong 2018.
Ang dula mao na usab ang ikalimang Game 7 ning kasamtangang playoffs, nga naka tabla sa pinakadaghang winner-take-all games sa usa ka postseason sa NBA.
