Wala nay laing kapilian ang mga opisyal ug partido nga dili mouyon sa pagpalugway sa termino sa mga barangay ug Sangguniang Kabataan (SK) officials hangtod 2028 kondili ang pagtuman sa desisyon sa Supreme Court.
Matud sa usa ka retiradong huwes, human ideklarar sa Korte Suprema nga constitutional ang balaod nga nagpalugway sa termino sa mga barangay ug SK officials, kinahanglan nang respetuhon ug sundon ang maong desisyon.
Gipasabot niya nga bisan pa adunay mga indibidwal nga nagtuo nga sayop ang desisyon sa korte, dili kini mahimong basihan aron dili kini tumanon.
May kalabotan usab sa petisyon ni Election Lawyer Atty. Romulo Macalintal, giklaro sa retiradong huwes nga wala nay laing legal nga remedyo nga mahimong gamiton aron usbon ang desisyon sa Supreme Court.
Dugang pa niya, human makapamulong ang Korte Suprema sa maong isyu, angay nang sundon sa tanang hingtungdan ang gihimong paghukom niini
