Senator Raffy Tulfo, nagsugyot nga itandi ang titulo sa yuta nga gideklarar ni VP Sara sa iyang SALN ug ang propiedad nga gihisgotan sa impeachment trial.

Gisugyot ni Senator-Judge Raffy Tulfo nga direktang itandi sa Senate Impeachment Court ang titulo sa yuta nga gideklarar ni Vice President Sara Duterte sa iyang Statement of Assets, Liabilities and Net Worth o SALN ug ang property nga kasamtangang gihisgotan sa impeachment trial.

Nahisgotan kini atol sa paghisgot sa depensa bahin sa usa ka propiedad nga nahimutang sa Juna Subdivision, Matina Crossing, Talomo, Davao City nga nakarehistro kuno sa ngalan ni Atty.

Manases Carpio, bana sa Bise Presidente. Una nang gikumpirma ni Davao City Assessor Engr. Jaime Adalin nga si Carpio ang rehistradong tag-iya sa maong propiedad.