Giatubang karon sa Japan ang cybersecurity emergency human maapektuhan sa sunod-sunod nga cyberattacks ang mga bangko, convenience stores, airport ug ubang mga establisemento sa nasud.
matod ni Hannah Galvez, Bombo International Correspondent sa Japan nga kapin sa 14 ka bangko ang naapektuhan sa problema sa ilang data ug banking systems, samtang adunay mga convenience stores ug mga serbisyo sa Narita Airport nga nakasinati usab og system downtime.
Tungod niini, adunay mga pasahero nga Pilipino nga nagreport nga wala sila maka-check-in sa airport tungod sa problema sa sistema. Matud ni Galvez, bisan pa man sa abante nga teknolohiya sa Japan, nakasulod gihapon ang mga hacker pinaagi sa mga cyberattack ug ransomware.
Naapektuhan usab ang website sa usa ka national English test nga gilauman nga kuhaon sa milyon-milyong estudyante sa Japan. Gipasabot ni Galvez nga dili lamang pribadong establisemento kondili lakip usab ang mga ahensya sa gobyerno ug negosyo ang naapektuhan sa maong cyberattacks
