Giawhag ni Malapatan Mayor Salway Sumbo Jr. ang mga residente sa Malapatan Sarangani, ug uban pang mga Mayor sa pito ka munisipyo sa Sarangani Province, mga negosyante, politiko, barangay officials ug volunteers nga moapil sa bloodletting activity nga Dugong Bombo 2026 sa Bombo Radyo Philippines.
Tumong sa mayor nga mapalapdan ang partisipasyon sa nagkalain-laing sektor sa komunidad aron makatabang sa pagpuno sa suplay sa dugo nga magamit sa mga pasyente ug uban pang nanginahanglan og blood transfusion.
Gidapit usab niya ang pribadong sektor ug ang lokal nga pangagamhanan nga ipakita ang ilang suporta pinaagi sa boluntaryong pagdonar og dugo. Ipahigayon ang Dugong Bombo 2026 sa Nobyembre 14, 2026, sa Robinsons General Santos, ubos sa temang “A Little Pain, A Life to Gain.”
Giduso sa kampanya ang kamahinungdanon sa pagpaambit sa dugo isip usa ka yano nga paagi sa pagtabang nga mahimong makaluwas sa kinabuhi sa uban.
