Gipatas-an sa National Food Authority (NFA) ang presyo sa pagpalit sa limpyo ug uga nga humay ngadto sa P30 matag kilo, samtang gidugangan usab ang gidaghanon sa humay nga mahimong ibaligya sa matag mag-uuma.
Matod ni NFA Administrator Larry Lacson, anaa sa 80% sa mga ‘branches’ sa tibuok nasod ang nagpalit na og humay sa presyo nga P30 matag kilo, diin ang P28 ang nagsilbing pinakaubos nga presyo.
Giusab usab sa ahensya ang limitasyon nga kaniadto anaa sa 200 ka sako matag mag-uuma, ug gipataas kini ngadto sa 500 ka sako matag panahon sa pag-ani, usa ka limitasyon nga gibase sa gidak-on sa umahan ug sa kasagarang ani sa matag probinsya.
Kini nga lakang nagtumong sa pagdugang sa kita sa mga mag-uuma ug pagpalig-on sa suplay sa bugas sa gobyerno, ilabi na tungod sa posibleng hulga sa grabeng El Niño.
Nagtinguha ang NFA nga makapalit og 790,000 ka metriko tonelada nga humay sa tuig 2026, ingon man sa mosunod nga tuig, aron masuportahan ang mga reserba sa bugas ug ang mga programa sa tabang sa gobyerno.
