Gikinahanglan mismo ni Vice President Sara Duterte nga motungha ug motestigo sa impeachment proceedings aron direktang matubag ang mga pangutana kalabot sa iyang giingong unexplained wealth, sumala kang Retired Judge Lorenzo Balo
Matod niini, importante nga si Duterte mismo ang mopatin-aw kung asa gikan ug giunsa niya pag-angkon ang mga kabtangan nga gikuwestiyon sa impeachment complaint.
Iyang gipunting nga nakabase sa mga dokumentong gikan sa mga bangko, Bureau of Internal Revenue (BIR), Anti-Money Laundering Council (AMLC) ug Securities and Exchange Commission (SEC) ang mga ebidensiyang gipresentar batok sa Bise Presidente.
Tungod kay dokumentaryo ang maong mga ebidensiya, nagtuo si Balo nga lisod na alang sa depensa nga supakon kini pinaagi lamang sa testimonya sa mga bank employees ug accountants.
Busa, iyang giingon nga mas angay nga si Duterte mismo ang motubag sa witness stand aron ipatin-aw ang gigikanan sa iyang mga kabtangan.
