-- ADVERTISEMENT --
Gipahigayon sa National Meat Inspection Service o NMIS Region 12 ang pagsunog sa 3,400 ka kilo nga imported nga karne nga walay kompletong dokumento human kini makumpiska sa usa ka operasyon sa Koronadal City kagahapon, Hulyo 17.
Matud sa NMIS Region 12, gihimo ang pagsunog sa maong mga karne aron malikayan ang posibleng pagbaligya niini sa merkado ug mapanalipdan ang kahimsog ug kaluwasan sa mga konsumidor.
Ang nasakmit nga mga produkto giingong napamatud-ang walay igong papeles nga magpamatuod sa legal nga pagpasulod niini sa nasud.
Padayon usab ang pagmonitor ug operasyon sa mga otoridad batok sa pag-apod-apod sa mga undocumented meat products sa rehiyon.
