Nagpahigayon ang Search, Rescue, and Retrieval (SRR) operations sa mga apektadong lugar sa Sarangani ug Davao Occidental human sa landslide ug pagbaha nga dala sa bagyong Inday.
Ang mga yunit sa 1002nd Infantry Brigade kauban ang mga responder gikan sa lokal nga panggobyerno, Bureau of Fire Protection (BFP), Philippine Coast Guard (PCG), ug Philippine National Police (PNP) nagtinabangay sa pagpangita ug pagtabang sa mga naapektuhan sa kalamidad.
Pinaagi sa operasyon gamit ang Black Hawk helicopter, nakuha sa mga tropa ang siyam ka mga biktima sa landslide sa Malapatan, Sarangani.
Sa pagkakaron, padayon gihapon ang pagpangita sa mga rescue team sa laing mga tawo nga gikatahong nawala sa mga lugar sa Malapatan, Glan, ug Jose Abad Santos (JAS), Davao Occidental.
Nagpadayon ang retrieval ug rescue efforts samtang gipaninguhaan sa mga otoridad nga mahatagan og tabang ang mga pamilya nga naapektuhan sa kusog nga ulan, pagbaha, ug pagguho sa yuta.
