Aduna nay giandam nga strategic plan ang Sarangani Police Provincial Office (SPPO) alang sa search and rescue operations kon adunay mahitabo nga kalamidad sa probinsya sama sa nasinatian krun.
Sumala ni PLTCOL. Dennis Madriaga, Deputy Provincial Director for Operation sa SPPO, ang matag police station sa probinsya adunay kaugalingong mga estratehiya ug plano aron dali nga makatubag sa panahon sa emerhensya.
Matod niya, giandam na sa kapulisan ang ilang mga pwersa, kagamitan, ug koordinasyon aron masiguro ang paspas nga paghatag og tabang sa mga lugar nga apektado sa kalamidad.
Gibutyag ni Madriaga nga lakip sa mga lugar nga grabeng naapektuhan sa miaging mga kalamidad mao ang Malapatan ug Glan, busa gipakusog ang pag-andam ug pagmonitor sa maong mga lugar.
