-- ADVERTISEMENT --
Nagpadayon ang clearing operations sa Department of Public Works and Highways o DPWH-Sarangani District Engineering Office sa bahin sa Sitio Nacolyael, Barangay Small Margus, Glan, Sarangani Province, human sa landslide nga nahitabo tungod sa walay hunong nga kusog nga pag-ulan sa maong lugar.
Sa pagkakaron, dili pa maagian sa mga sakyanan ang maong bahin sa dalan samtang nagpadayon ang pagpanglimpyo ug pagtangtang sa nahugno nga yuta, mga bato, ug uban pang debris nga mitabon sa karsada.
Gipahimangnoan usab sa mga otoridad ang publiko nga magpabiling mabinantayon ug mag-amping sa pagbiyahe, ilabina samtang nagpadayon ang dili maayong kahimtang sa panahon ug posible pa ang dugang nga pagdahili sa yuta.
