Gipaklaro ni Joel Gavina ang Gensan Airport Manager nga normal ra matod pa nga adunay mga negatibong reaction ang publiko sa bag-ong gipatuman nga regulasyon kalabutan sa parking fees apan saysay niini nga duna gihapon mga positibo nga reaksyon ang katawhan sa Gensan.
Dugang pa sa opisyal nga pinasikad kana sa CAAP Memorandum Circular No. 019–2025 nga gi-isyu subay sa Republic Act No. 9497, nga nagtugot sa CAAP sa pag-regulate sa bayad sa paggamit sa mga pasilidad ug serbisyo sa tugpahanan.
Samtang saysay pa ni Gavina nga dunay mga exempted sa pag bayad sa parking fees sama sa mga government vehicle, mga taxi nga adunay access pass ang libre sila nga mag park.
Kahinumduman nga daghan pa gihapon ang katawhan nga wala pa masayod sa maong regulasyon busa nagpadayon ang ilang information dissemination.
