Nakatala og nagkadaiyang kalampusan ang Police Regional Office 12 o PRO 12 sa mga operasyon batok sa kriminalidad sa tibuok SOCCSKSARGEN.
Base sa daily operational accomplishments report sa PRO 12, pito ka operasyon batok sa illegal nga droga ang nahimo, diin 12 ka indibidwal ang nadakpan ug labaw sa 1,615 gramos nga illegal nga droga ang nakumpiska nga gibanabanang nagkantidad og P696,358.
Sa kampanya batok sa mga wanted person, usa ka top 10 most wanted person ug unom pa ka laing wanted persons ang nasikop sa kapolisan.
Sa operasyon batok sa loose firearms ug explosives, upat ka armas ug duha ka explosives ang narekober sa mga otoridad.
Samtang, walo ka indibidwal ang nadakpan sa kampanya batok sa smuggling ug nakumpiska ang mga smuggled items nga nagkantidad og kapin P23,500.
Sa kampanya batok sa illegal logging ug illegal fishing, 11 ka operasyon batok sa illegal logging ug tulo batok sa illegal fishing ang natala, diin pipila ka mga kagamitan sa pagpanagat ang nakumpiska.
Sa pagpatuman sa mga lokal nga ordinansa, 1,009 ka violators ang natala, diin 199 ang gipamultahan samtang 810 ang gihatagan og warning.
Magpadayon ang PRO 12 sa pagpalig-on sa mga operasyon batok sa kriminalidad aron mapadayon ang kalinaw ug seguridad sa tibuok rehiyon.
