SARANGANI PROVINCE– Nagmalampuson ang pagpresenta ni Sarangani Gov. Ruel Pacquiao sa iyang 1st 100 days report ug key accomplishments.
Nag-una nga gipresenta mao ang mga highlights sa iyang pagserbisyo sa unang usa ka gatus ka adlaw isip Gobernador mao ang iyang Sarangani Ronda Probinysa, kung asa gipakita ang mga aksyon ug solusyong gihimo may kalabutan sa mga problema sa agrikultura, Health, housing, ug Disaster Risk and Management, imprastrktura, kinaiyahan, ug turismo.
Usa sa mga giduso niini sulod sa 100 days, mao ang provincial fishery complex kung buot sa Gobernador nga makamugna ug kaugalingong fishport ang Sarangani.
Buot usab niini nga makabaton ug mga hinabang medikal ug pinansiyal ngadto sa mga Senior Citizens, Kabus o mga nanginahanglan, ingon man ang planong pagmugna ug kaugalingong terminal sa Sarangani ug uban pa.
