REGION 12 – 81 Million gikan sa 96 million nga target sa DSWD ang nakadawat na ug Educational Cash Assistance luyo nga nahuman na ang pag-apod-apod niini.
Matud ni Dennis Domingo, tigpamaba sa DSWD 12 nga sa kinatibuk-ang rehiyon, Lutayan, Sultan Kudarat na lamang ang wala pa nahuman sa pagpanghatag sa cash aid gumikan sa pagkadelatar niini tungod sa mga logistics requirements ug availablity sa venue, among gi-reschedule una aron nga ma implement kini ug tarong.
Sa overall data sa Region 12, 37,861 ang kinatibuk-ang ihap sa mga nakadawat ug cash assistance sa rehiyon. Kini gilangkuban sa 11, 669 sa Sultan Kudarat , 8, 272 sa South Cotabato, 4,960 sa Sarangani , 13, 282 sa North Cotabato , ug 3, 678 ang Gensan.
Ang Gensan ang pinaka mubo nga ihap sa mga benefeciaries. Dugang pa ni Domingo, nga posible gayod nga maabot pa ug katunga sa milyon ang ihap sa mga beneficiaries apan gumikan sa pag assess sa DSWD ug gitagana nga budget matag LGU, limitado na lamang ang nakaapil sa cash aid.
Kahibaloan nga daghan nga mga reklamo usab ang nadawat sa DSWD 12 atol sa aplikasyon hangtud na sa distribusyon sa cash assistance.
Sa pagkakaron wala pay advisory gikan sa National alang sa paglugway sa maong programa, apan sa oras nga adunay mando ila usab kining gilayon nga e implemaenta sa rehiyon.
