GENERAL SANTOS CITY – Giangkon ni Konsehal Dominador Lagare Jr., ang Chairman sa Komitiba sa transportasyon sa Syudad nga dili paigo ang Traffic Enforcers sa dakbayan nga manakop sa mga nakahimo og bayolasyon kung mahan-ay na sa hingpit ang transportasyon dinhi sa Dakbayan.
Matud ni Kag. Lagare Jr., anaa lang sa 150 ang Traffic Enforcers sa Syudad kung asa ang mga nasampit ang walay citation ticket.
Hinuon aron masulosyunan kini, nakig-alayon na ang iyang buhatan sa Traffic Enforcement Unit Gensan aron mutabang sa pagpanakop sa mga kolorum nga traysikel.
Ang mga enforcer sa TEU-Gensan ang may citation ticket.
Sa unang nahimong pamahayag ni Kag. Lagare, gibutyag niini nga magbutang og Enforcers sa mga boundary sa Dakbayan aron dili na makasulod sa GenSan aron mamasahero ang mga gikan sa gawas.
