GENERAL SANTOS CITY – Kulang lamang sa pagpasabot ang nagreklamo nga garbage collector ug posible dili tin-aw ang pagkadungog ang kamandu-an nga dili pasudlan ang sanitary landfill ug basura tungod walay krudo ug dili muandar ang bulldozer nga mutulod sa basura.
Kini ang pahayag ni Ferdinand Pareja, ang labaw sa sanitary landfill nga gitumbok sa reklamo sa garbage collector nga gapangayu-an ug dyes litros nga krudo sa matag privage garbage collector.
Giangkon ni Pareja nga adunay buot maglabay ug basura sa landfill nga giingnan nga sirado ang dapit tungod sa maong problema apan sila na matud pa ang mitanyag ug krudo aron muandar ang bulldozer nga mutulod sa ilabay nila nga basura.
Pagsaysay niini nga nangabuno na sa kaugalingon nga salapi aron ipalit ug krudo sa ilang himan.
Gani gipaningkamotan matud pa sa Mayor ug Administrador sa syudad nga makapagawas ug tseke niining semanaha aron mabalik ang operisyon sa land fill.
Gani subli nga gipanghimakak nga gipangayu-an ug dyes litros nga krudo ang mga galabay ug basura.
Giangkon hinuon niini nga lima ka adlaw nga wala muandar ang bulldozer mao nga girado ang lugar human miabut matud pa sa dalan ang nagkatag nga basura.
Butang nga nagresponde ang taga DENR ug giadtu-an ang lugar ug subli sila nga gi-warningan sa naasoy nga ahensiya.
