Mitaliwan na ang kanhi Philippine Sports Commission (PSC) Chairman nga si Philip “Popoy” Juico niadtong Sabado, Oktubre 31, 2026, sa edad nga 78 anyos.
Gikumpirma sa iyang anak nga si Councilor Joseph Juico ang maong balita pinaagi sa social media. Matod niini, namatay ang iyang amahan sa gabii sa Oktubre 31.
“After courageously battling cancer since 2022, my Papa passed away peacefully in his sleep,” matod ni Joseph.
Maisogong nakigbisog si Juico batok sa kanser sukad pa niadtong 2022, sa wala pa siya malinawon nga mitaliwan samtang natulog.
Gawas sa iyang papel sa sektor sa sports, nagsilbi usab siya isip kalihim sa Department of Agrarian Reform gikan Hulyo 23, 1987 hangtod Hulyo 1, 1989, atol sa administrasyon ni kanhi Presidente Corazon Aquino.
