Giluwas sa Philippine Coast Guard (PCG) ang walo ka tripulante sa usa ka motor bangka human kini partially nga nalunod sa kadagatan sakop sa Dalupiri Island, Calayan, Cagayan niadtong Oktubre 31, 2026.
Dali nga mitubag ang mga personahe sa Coast Guard Station Calayan human madawat ang report kalabot sa insidente. Lakip sa mga naluwas ang kapitan sa M/B Rose Marie 1.
Human sa rescue operation, gipailalom sa medical assessment ang tanang tripulante sa Calayan Rural Health Unit. Usa kanila ang nakaangkon og samad sa tuong tuhod, samtang gisusi usab ang uban tungod sa posibleng taas nga presyon sa dugo.
Nahimo ang operasyon pinaagi sa tabang sa Philippine National Police, Municipal Disaster Risk Reduction and Management Office, Bureau of Fire Protection ug sa mga tripulante sa laing sakayan.
