GENSAN- Nagtuo si City Administrator Shandee Llido Pestaño nga posibleng adunay personal nga interes nga gustong panalipdan ang pipila ka market vendors nga nagpasaka og kaso batok sa lokal nga pangagamhanan kalabot sa plano sa pagpauswag sa Palengke Heneral.
Matod ni Pestaño, usa sa dagkong hagit nga ilang giatubang mao ang maong kaso tungod kay wala matod pa masabti sa pipila ka vendors ang ilang plano, apan mihimo na dayon kini og lakang nga mahimong makababag sa proyekto.
Gipasabot usab niya nga posibleng nahadlok ang mga vendors sa pagtaas sa abang sa ilang mga pwesto human mokatag ang mga istorya nga moabot sa P15,000 hangtod P20,000 ang presyo niini, nga iyang giklaro nga dili tinuod.
Bisan pa niini, miingon si Pestaño nga andam gihapon silang makigsabot sa mga vendors aron masulbad ang mga kabalaka ug masabtan ang ilang plano alang sa merkado.
