GENERAL SANTOS CITY – Paningkamutan sa LGU Gensan nga dili pa matapos kining bulana may fair matrix na nga ibutang sa mga traysikel nga gapamasada sa syudad.
Kini ang pasalig ni Gensan Mayor Lorelie Pacquiao human gikwestyon nga hangtud karon wala pay taripa nga napagawas ang syudad sukwahi sa gisaad kaniadto ni Konsehal Dominador Lagare Jr nga sa bulan sa Hulyo may fair matrix ang mga traysikel aron malikay sa unsa mang lalis.
Samtang gapaabut sa maong higayon gibutyag sa Mayor nga adunay mga maayo pa nga driver nga mubungat ug dagko nga presyo sa pasahe, matud niini nga ang taripa ang maghatag ug tubag sa mga reklamo sa pasahero kalabutan sa taas nga singil sa pasahe.
Kahinumduman nga gikwestyon si Konsehal Dominador Lagare Jr nga apil hatagan sa kopya sa fair matrix ang mga green plates kon kolorum, Natigayon kini dihang nagpatawag ug tigum sa mga traysikel driver sa syudad si Lagare kaniadtong Agusto otso nining tuiga.
