GENERAL SANTOS CITY | Itugyan na sa kasamtangang administrasyon ang paghatag ug kasulbaran sa problema sa transportasyon human gikuha nga board of director sa Land Transportation Franchising Regulatory Board si Engr. Rizza Patches ang kanhi labaw sa Public Safety Office sa syudad. Kini human gikuha isip usa sa Board of Director sa LTFRB sa Kauluhan. Matud ni Engr. Patches nga may kadangpan na ang mga Transport Cooperative nga taga syudad didto sa national Office. Pagsaysay ni Engr. Patches nga lahi ang may access sa mga programa sa LTFRB nga gihulugway niini nga mapaduol sa mga oportunidad ang grupo sa transport.
Gipasalamatan usab niini ang administrasyong Marcos Jr. sa pagsalig sa iyang katakos aron matuman ang mandato sa LTFRB. Didto sa kauluhan nasuta niini nga dungog kaayo ang mga transport cooperative sa Gensan nga nasunod ang modernization program. Giangkon niini nga hilabihan kadako ang iyang trabaho tungod tulo sila ka Board of Director ilawom sa buhatan ni DOTR Secretary Jaime Bautista nga gilangkuban sa duha ka abogado ug usa ka Engineer.
Una ng gibutyag ni Patches nga pinaagi sa iyang kasinati-an magamit niini sa pagserbsiyo sa sektor sa transportasyon. Gihatagan usab niini ug katin-awan nga nahunong na ang service contraction sa mga transporation sektor pinaagi sa paghatag ug libreng sakay nga programa sa gobyerno. May budget propossal na matud pa nga nasumite ang LTFRB alang sa sunod tuig nga programa.
