GENERAL SANTOS CITY – Nagmugna ug task force ang dakbayan aron kapugngan ang pagsulod sa African Swine Fever (ASF) .
Gibutyag ni Dr. Antonio Ephrem Marin, hepe sa City Veterinary Office nga nagtumong sa pagprotekta sa hog industry sa posibling pagkatag sa ASF human makumpirma nga hinungdan sa kamatay sa mga baboy didto sa Rizal Province.
Matud ni Marin nga sa kasamtangan nakiglambigit sa lain-laing ahensiya ug sa mga local hog growers aron magpahigayon ug strategic measures aron malayo sa sakit .
Mismong si Gensan Mayor Ronnel Rivera maoy nagmando sa kamugnaan sa task force aron makiglambigit sa mga silingan nga dapit.
Magpatuman usab ug hugot nga border control measures and monitoring sa pagsulod sa karne ug ubang produkto nga muagi sa airport ug pantalan.
Gidili usab ang pagpasulod ug mga buhi nga mananap ug karne nga walay veterinary certificate, meat inspection certificate, ug transport permit.
Matud niini nga dili nila hatagan ug gamay nga tsansa nga makaguba sa hog sa industry sa syudad .
