GENERAL SANTOS CITY – Magmugna og African Swine Fever Task Force Gensan human ang pagpositibo sa 14 ka mga blood samples gikan sa Rizal sa ASF.
Kini ang gibutyag sa labaw sa City Veterinary Office nga si Dr. Efraim Marin.
Matud pa sa nasampit nga opisyal nga magpahigayon na usab sila ug checkpoints sa mga critical areas gikan sa South Cotabato ug Davao nga ruta pasulod sa dakbayan sa Heneral Santos.
Gikadugang pa ni Dr. Marin nga kinahanglang adunay veterinary certificate permit to transport kung ang ipasulod ang mga live animals ug meat inspection certificate kon kini mga karne ug ipailawom sa quarantine.
Mao kini ang pipila ka lakang nga gihimo sa syudad aron nga mapugngan ang pagsulod sa ASF tungod ang General Santos ang ikatulo sa nasud may daghang ma-produce nga commercial hogs.
Gibutyag pa ni Dr. Marin nga ang ASF ang usa highly contagious disease kon diin dili usab kini mutakod sa tawo apan taas matud pa kaayo ang mortality sa baboy.
Sumala pa nga kon makasulod ang virus sa farm sa usa ka negosyante, tanang baboy ang mahurot gayud mamatay.
Gibutyag ni Dr. Marin, ga dili una magpakaon og lamaw sa mga baboy.
Matud pa nga kini ang usa ka hinungdan nga makanagkon ug sakit ang baboy.
Gani gituohan nga kini ang hinungdan nganong nakaangkon og ASF ang mga baboy ug nangamatay tungod sa pagpakaon ug lamaw.
Daghan ang mga gapalit og lamaw sa mga hotels kon asa posible nga dunay sagol nga mga hams o imported nga processed foods hinungdan nga nakasulod ang maong virus sa nasud.
Mihangyo si Dr. Marin sa katawhan nga mahimong vigilante ug i-report gilayon ngadto kanila ugaling nga adunay mga baboy nga sunod-sunod nga namatay aron nga ilang makasyunan.
Samtang dako gayud kaayo ang mamahimong epekto sa ekonomiya sa hog industry sa syudad kung maka;ulod ang ASF.
Kini ang gibutyag ni Mayor Ronnel Rivera hinungdan nga gimanduan niini si Dr. Marin sa City Veterinary Office nga makig-alayon na ngadto sa laing rehiyon sa Mindanao aron nga dili gayud makalusot ang ASF sa Gensan.
Matud pa niini nga bisan wala pa nakasulod sa syudad ang ASF apan dili gayud mukumpyansa tungod daghang mga backyard piggery ang maapektuhan.
