GENERAL SANTOS CITY – Nabutang na sa isolation sa usa ka health facility ug gimonitor na sa mga doktor sa Department of Health region 12 ang duha ka pasyente nga gidudahang gitakbuyan ug Monkey pox (MPOX) virus.
Matud sa Department of Health Region 12 nga ang duha nagpakita ug mga sintomas sama sa rashes, hilanat, ug mga samad sa panit.
Matod ni Dr. Dyan Zubelle Parayao, Medical Officer IV sa DOH-CHD XII, mas maayo nga gi isolate ang duha alang sa pagtuon.
Gikadugang niini nga napadala na sa Research Institute for Tropical Medicine ang mga sample gikan sa duha aron masusi.
Nagpahigayon na usab ug tracing sa mga higala sa mga nahisgutan.
Sumala sa DOH 12 nga mapasa ang maong sakit pinaagi sa pagdikit sa panit sa adunay MPOX.
Makuha usab ang maong sakit pinaagi sa paghatsing, ubo, ug uban pa nga may kontak.
