Nagka-engkwentro ang mga operatiba sa PDEA-12 ug mga suspek atol sa buy-bust operation sa Purok Nawa, Barangay Sapu Masla, Malapatan, Sarangani Province alas-11 sa buntag niadtong Septiyembre 22, 2026.
Nadakpan ang duha ka suspek nga giila sa alyas nga “Aser,” 26 anyos, ug “Sam,” 29 anyos, samtang nakalingkawas ang giingong nagdumala sa drug den nga giila sa alyas nga “Esmael.”
Lima ka sachet sa gituohang shabu ang narekober, lakip ang usa nga gigamit sa buy-bust transaction, nga adunay kinatibuk-ang standard value nga 13,600 pesos.
Narekober usab ang nagkalain-laing drug paraphernalia sama sa improvised containers, tooters, aluminum foil, gunting ug improvised lighters.
Atubangon sa duha ka nadakpan ang mga kaso ubos sa Article II sa Republic Act 9165, samtang padayon ang pagpangita kang alyas “Esmael.”
