Nangandam ang White House alang sa umaabot nga pagbisita ni Chinese President Xi Jinping.
Gipaabot nga personal siyang sugaton ni US President Donald Trump sa Andrews Air Force Base, nga sundan sa ‘welcoming ceremony’ sa White House.
Apil sa maong seremonya ang ‘military flyover’ nga pag-apilan sa hapit 500 ka military personnel.
Kini ang unang ‘state visit’ ni Xi sa Estados Unidos sulod sa usa ka dekada ug ikatulong higayon nga magkita sila ni Trump sukad sa pagsugod sa iyang ikaduhang termino isip presidente.
Lakip sa gipaabot nga hisgutan sa duha ka lider ang ‘Artificial Intelligence’, pamatigayon ug ang isyu bahin sa Taiwan.
Gilauman usab nga palawigon sa duha ang US-China trade agreement nga giaprobahan niadtong miaging tuig ug matapos na karong Nobyembre.
