Padayon ang imbestigasyon sa Philippine National Police o PNP sa pagpamusil sulod sa Banga National High School sa South Cotabato, lakip ang pagsusi sa mga kalihokan sa estudyante sa social media ug internet.
Matud ni PNP Chief Police General Jose Melencio Nartatez Jr., gisusi sa mga imbestigador ang mga lihok sa estudyante sa wala pa ang insidente aron matino ang posibleng nakaimpluwensya sa iyang gibuhat.
Gipaklaro usab ang sulod sa iyang cellphone, mga notes, gadgets ug uban pang personal nga gamit isip kabahin sa forensic investigation.
Sumala sa PNP, nakita sa mga records nga aktibo ang estudyante sa social media ug internet ug adunay mga kalihokan nga may kalabotan sa violent content.
Gisusi usab sa mga awtoridad ang posibleng impluwensya sa online communities ug mga website nga adunay makadaot o bayolenteng sulod, apan wala pa matino kung adunay direktang koneksyon kini sa pagpamusil.
Niadtong Septiyembre 18, napulo ka estudyante ang gipusil sulod sa Banga National High School, diin duha ang namatay ug walo ang nasamdan, samtang namatay usab ang estudyanteng suspek human sa insidente.
