MAGUINDANAO DELSUR- Mukabat sa 19 patay sa engkwento tali sa duha ka armadong grupo sa Pagalungon Maguindanao del Sur. Sa maong ihap, anaa sa 17 ang patay gilkan sa grupo ni Engr Datu Alonto Sultan ug duha gikan sa grupo ni Commander Ikot Dandua, human sa engkwentro nga natigayon sa Brgy. Kilangan, Pagalungan, Maguindanao Del Sur.
Sa impormasyong nakuha sa Bombo Radyo Gensan nga niabot sa lugar si Engr. Sultan kung asa gusto niya nga angkunon ang yuta nga mao ang hinungdan sa panagbangi sa duha grupo nga hinungdan sa kamatayon sa mga biktima.
Matud pa nga dugay nga adunay panagbangi ang grupo ni Ikot Dandua ug Commander Bawsi.
Tungod niini nagsunod ang mga tigom nga ginahimo sa Pagalungan sa pagpanguna ni Mayor Salik Mamasabulod ug 602nd brigade og 90 Infantry Batallion Philippine Army.
Unang gipahibalo ni Engr. Sultan nga aduna siyay dokumento sa pagpanag-iya sa 280 ektarya sa yuta sa Sitio Gageranin, Brgy Kilangan pinaagi sa Land Title, busa legal ang iyang pag-okupar sa maong yuta.
Sa habig ni Commander Bawsi, niinsister kini nga walay yuta si Engr. Sultan sa ilang dapit tungod yuta man kini gikan sa ilang katigulangan.
