GENERAL SANTOS CITY – Usa patay samtang usa angol human ang pagpamusil sa Prk Otso Brgy. Poblacion Alabel Sarangani kagabie.
Ang gipusil ang nailhan lamang nga usa ka certain Al, gibanabanaang nagpangidaron og 21 anyos nga taga Alabel.
Gibutyag ni Kapitan Herculano Kuling Lacaba sa Brgy. Poblacion, ang biktima ang nisulod sa videokehan kauban si Jonathan Brukoy, 32, operator sa bangka, taga Prk 2 Ladol.
Gikabutyag nga nagsige matud pa og pangayo og ilimnon ang mga nasampit sa pikas nga lamesa kon asa usa ka grupo ang nag-inom.
Gikairita matud pa sa pikas lamesa ang pagpangayo og ilimnon sa mga biktima nga misangko sa paghagitay og nagsinumbagay gawas sa videokehan.
Sumala pa ni Anita Dalama, kapuyo ni Brukoy nga gisumbag si certain Al og giulang sa iyang kapuyo nga si Brukoy.
Apan gidunggab ang bana niini sa suspek og gipusil usab si certain Al duha ka higayon sa ulo nga hinungdan sa hinanaling kamatayon.
Apan segun pa sa testigo nga si Jojo, giduolan pa sa suspek ang biktima og gitiwasan. Dali nga misibat sa lugar ang gunman kauban ang duha ka kainom.
Gikabutyag nga mga hubog nang daan ang tulo ka suspek og mga kauban dihang nagsulod sa videokehan.
Pagkakaron nagpabilin panggiobserbahan sa ospital sa dakbayan si Brukoy human nga naduggaban sa kilid sa tiyan.
Nasayran nga dili lamang halayo sa Alabel Police Station ang natigayon nga pagpamusil
