-- ADVERTISEMENT --
Nahatud na sa ulahing kapahuyan ang duha ka piloto sa Philippine Air Force (PAF) nga namatay human nahagsa ang ilang eroplano sa Tuba, Benguet sa miaging semana.
Matud ni sa tigpamaba sa PAF nga si Col. Ma. Christina Basco nga kagahapong adlawa, Mayo 26, gilubong sila si First Lieutenant Ruth Angelique Pasos ug Second Lieutenant Cherky Enlawan Embudo sa Libingan ng mga Bayani.
Gipaabot usab nila ang ilang pahasubo sa mga pamilya sa namatay nga piloto sa PAF.
Sila si Pasos ug Embudo sakay sa usa ka SF-260 trainer aircraft sa dihang nahagsa kini sa Tuba, Benguet mga alas 10:30 sa buntag niadtong Mayo 20.
Ang duha gihatagan og arrival honors sa Colonel Jesus Villamor Air Base diin gihatagan sila og Silver Wing Medal.
-- ADVERTISEMENT --
