Mipasiugda si Hannah Galvez ang Bombo International News Correspondent sa Japan, sa kamahinungdanon sa mas lig-on nga relasyon tali sa Pilipinas ug Japan human sa bilateral meetings nga gihimo ni Presidente Ferdinand Marcos Jr. nga naka-focus sa trade, trabaho, ug seguridad sa rehiyon.
Sumala ni Galvez, lakip sa mga nag-unang gihisgutan atol sa meeting mao ang posibilidad sa pagpadala og dugang mga overseas Filipino workers ngadto sa Japan aron matubag ang mga panginahanglan sa ilang labor sector.
Miingon usab si Galvez nga ang Japan ug Pilipinas nag-isip sa ilang relasyon nga espesyal tungod sa importante nga papel niini sa mga geopolitical nga butang, ilabina sa pagmintina sa seguridad ug kalig-on sa rehiyon sa Indo-Pacific.
Dugang usab niya nga ang imbitasyon ug miting sa Japan sa administrasyon ni Presidente Marcos usa ka dakong bentaha alang sa Pilipinas tungod kay giingon nga naka-focus kini sa mga negosasyon sa mga dugay nga benepisyo sa nasud, lakip ang pagpalapad sa mga oportunidad sa trabaho, pagpalig-on sa ekonomiya, ug kooperasyon sa seguridad.
Ang pagbisita gilauman nga magbukas og dugang mga kasabutan tali sa duha ka nasud nga direktang makabenepisyo sa mga Pilipino
