GENERAL SANTOS CITY – Gituohan ni Atty. Rogelio Garcia, usa sa mga abogado sa dakbayan, nga magmugna og problema kung i-diskwalipika sa korte suprema si Presumptive Pres. Bongbong Marcos kalabutan sa gipasang-at nga mga disqualification cases.
Matud pa ni Atty. Garcia nga iyang gituohan nga dili magpagawas og desisyon ang korte suprema batok kang Marcos.
Apan gilauman niini nga hatagan og depenisyon sa korte suprema kalabutan sa moral turpitude .
Kahibaluan nga gipabasura sa Comelec ang tanang disqualification cases batok kang Marcos nga wala gihatagan og bili ang ebedensya og mga argumento sa mga petitioners kalambutan sa conviction niini sa wala pagsumiti og income tax returns kon ITR sa dihang siya ang opisyal kaniadto sa Ilocos Norte.
Kahibaluan nga historical ang kadaugan ni Marcos nga kapin sa 30 million ang nakuha nga boto.
