Gipalig-on sa mga bag-ong hepe sa kapulisan sa General Santos City Police Office ang kampanya batok sa five focus crimes aron mapadayon ang kahapsay ug kalinaw sa syudad.
Sumala pa nga ang mga maayong programa sa mga kanhi hepe ang ipadayon ug mas paninduton pa ang serbisyo sa ilang mga estasyon pinaagi sa pagpatuman sa mga bag-ong programa nga naka-align sa 5 Focus Agenda ni PNP Chief Jose Melencio Nartatez Jr.
Gipahigayon usab sa lain pang mga bag-ong station commanders, ang usa ka meeting aron hisgutan ang mga programa ug plano alang sa kaayohan sa ilang area of responsibility.
Dugang pa sa mga bag-ong hepe nga mahinungdanon ang pagmintina sa kahapsay ug kalinaw sa ilang nasakupan ilabina nga nahimutang niini ang mga dagkong establishment sa syudad ug mga factories nga angay gyud mahatagan ug pagtagad.
