Balhog karon sa Tambler Police Station ang usa ka suspetsado nga giilang si alyas “don” human malampusong narekober saiyang posisyon ang ebidensya sa gipatuman nga search warrant kagahapon sa hapon didto sa Barangay Tambler, ning dakbayan.
Gipangulohan ni Police Lieutenant Samuel Sabalo ang maong operasyon, ubos sa superbisyon sa bag-ong hepe nga si Police Major Jayson L. Ortega, ang mga personahe sa Police Station 5 mipatuman sa Search Warrant No. 26-70.
Kini tungod sa paglapas sa Section 11, Article II sa Republic Act 9165 o ang Comprehensive Dangerous Drugs Act of 2002 (Illegal Possession of Dangerous Drugs).
Aron maseguro nga subay sa legal nga proseso ug transparent ang operasyon, gisaksihan kini sa mga opisyal sa barangay ug mga representante sa media.
Giandam na karon sa kapulisan ang mga dokumento alang sa pormal nga pagpasang-at sa kaso batok sa maong suspetsado.
