Patay ug anaa na sa “advanced state of decomposition” ang lawas sa duha ka 7 anyos nga bata nga una nang gikataho nga nawala kaniadtong adlawng Domingo, Mayo 17, 2026.
Subay sa report, nakita na lang ang mga biktima nga nag-uban sulod sa sa usa ka abandonadong sakyanan sa Barangay Tuyan, Naga City, Cebu, kagahapon, Mayo 20 ning tuiga.
Subay sa inisyal nga imbestigasyon sa otoridad, dako ang posibilidad nga nagdula ang maong mga bata sa sulod sa maong sakyanan sa dihang aksidente kining na-trap ug wala na makagawas hangtod sa nahutdan sa ilang hangin.
Tungod sa kahimtang sa ilang mga patayng lawas, dinalian kining gilubong, samtang padayon pa usab ang ginahimong imbestigasyon sa kapulisan aron masuta ang tinoud nga hinungdan sa ilang kamatayon.
