Natapos na ang unang pagdungog sa International Criminal Court sa The Hague, Netherlands sa kasong crimes on humanity ni kanhi Presidente Rodrigo Duterte .
Ang 79 anyos nga kanhi presidente wala na makatambong sa personal busa gitugotan na lang kini pinaagi sa video link.
Milungtad og kapin sa 35 minutos ang hearing diin mibarog isip abogado ni Duterte si kanhi Executive Secretary Salvador Medialdea.
Si Presiding Judge Iulia Motoc niingon nga tungod lang sa confirmation hearing nga wala nila tugoti ang mosyon sa kampo ni Duterte nga i-postpone kini sa sunod semana kon mahimo.
Gitataw ni Medialdea nga hatagan unta sila og igong panahon sa pagpasabot sa mga proseso sa pagdungog ngadto sa kanhi presidente apan gibasura kini sa ICC.
Gipaambit usab ni Medialdea nga dili makiangayon ang pagdakop sa ICC sa kanhi presidente. Gitakda sa ICC ang sunod nga pagdungog sa Septiyembre 23, 2025 aron makapangandam og maayo ang kampo sa kanhi presidente.
