GENERAL SANTOS CITY – Gapanawagan sa publiko ang kapulisan sa Tupi, South Cotabato sa mga nakakita sa pagpusil patay sa usa ka empleyado sa grocery sa paghatag ug impormasyon aron makatabang sa pagsulbad sa kaso.
Matud ni Police Major Berlin Pampolina, hepe sa Tupi Municipal Police Station nga nahuptan na nila ang mga basiyo sa caliber .45 pistol nga nakuha sa crimescene.
Gikadugang pa ni Pampolina nga wala pa nila matumbok ang sakyanan ug ilhanan sa mga suspek nga mipusil sa biktima nga si Gwape Sulayman 25 anyos, residente sa Sitio Bunawan, Polonuling, Tupi South Cotabato.
Ang biktima ang iyang gitrabahuan pauli na sa pinuy-an niini samtang gamaneho og traysikel.
Pag-abut matud pa sa Crossing Basak sa Polonuling gipusil sa mga suspek nga nagresulta sa pagkabalintong sa gimaneho nga traysikel samtang nalabay ang biktima.
Human masiguro nga wala nay kinabuhi ang biktima gilayon nga mipahawa sa lugar ang mga suspek.
Nagduda ang kapulisan nga adunay kalabigitan sa rido ang pagpusil kang Sulayman ug posible nga kini giatangan og kaha gisundan sa mga suspek.
