-- ADVERTISEMENT --
Gisaway ni Davao City 1st District Rep. Paolo Duterte si Presidente Ferdinand Marcos Jr. tungod sa iyang mga pamahayag bahin sa giingong mga reporma nga gusto niyang ipadayon ubos sa iyang administrasyon.
Sa iyang pamahayag, gihagit ni Duterte ang Presidente nga ilista ang mga reporma nga direktang nabati sa ordinaryong mga Pilipino, labi na ang padayon nga pagsaka sa presyo sa mga palaliton ug uban pang mga problema nga giatubang sa nasud.
Gipasiugda usab sa kongresista nga usa ka importanteng bahin sa kadaugan ni Marcos sa 2022 mao ang suporta ug mga boto nga gihatag sa koalisyon sa UniTeam nga gipangulohan ni VP Sara Duterte.
