Dakpan ang usa ka high-value target drug personality sa mga awtoridad atol sa usa ka buy-bust operation nga gihimo mga alas 6:09 sa gabii niadtong Mayo 27, 2026, sa Purok Basakan, Barangay Tapon, Glan, Sarangani Province. Ang operasyon gipangulohan sa PDEA Sarangani Provincial Office uban sa suporta sa PDEA RO 12 Regional Special Enforcement Team (RSET), Glan Municipal Police Station, ug sa 1st Sarangani Provincial Mobile Force Company.
Ang nadakpan mao si alyas “Arnel,” 43 anyos, usa ka empleyado sa hardware ug residente sa Barangay Tapon, Glan, Sarangani Province. Ang operasyon gihimo human sa mga bulan nga pagmonitor ug pag-validate, ingon man mga report nga ang suspek giingong nalambigit sa ilegal nga pagbaligya sa mga ilegal nga droga, lakip na ang pagbaligya niini ngadto sa mga menor de edad.
Nakuha gikan sa iyang posesyon ang gibana-bana nga 15 grams nga gidudahang shabu nga adunay estimated standard value nga P102,000.00, uban sa buy-bust money. Ang mga nasakmit nga ebidensya gidokumento ug gidala sa opisina alang sa hustong disposisyon.
Ang suspek pasakaan og kaso sa paglapas sa Sections 5 ug 11, Article II sa Republic Act 9165, o mas nailhan nga Comprehensive Dangerous Drugs Act of 2002.
