GENERAL SANTOS CITY – Gikumpirma ni P/ Major Rexor Canoy, tigpamaba sa General Santos City Police Office (GSCPO) nga tulo ka presinto sa kapulisan sa syudad ang may bag-o nga chief of police.
Matud pa ni Canoy nga si P/Major Patrich Elma ang labaw sa Makar PNP samtang si P/Major. Ananias Vasquez nga chief of police sa maong presinto ang gibalhin sa Tinacagan PNP.
Ang kanhi labaw sa Tinacagan PNP, nga si Maj. Rommel Constantino ang gibalhin sa Lagao PNP.
Samtang si Maj or. Ruelito Lumiguid nga labaw sa Lagao PNP ang gibalhin isip chief of operation sa GSCPO nga kanhi posisyon ni Major. Elma.
Gibutyag ni Canoy nga epektibo ang kamanduan ni P/Col. Gilberto Tuzon kagahapong adlawa.
Samtang ang laing mga presinto sa kapulisan sa dakbayan ang nagpabilin sa posisyon ang mga chief of police.
Ang rason nganong gibalhin ang mga nasampit gumikan misobra na sa panahon nga gikatakda nga magpabilin sa maong posisyon.
