Nagsultihanay sa telepono si US President Donald Trump ug Chinese President Xi Jinping.
Ang White House miingon nga ang duha adunay maayong panag-istoryahanay.
Gikataho nga giimbitar ni Xi si Trump sa pagbisita sa China apan wala pa’y kumpirmasyon kung kanus-a kini mahitabo.
Kini ang unang higayon nga nag-istoryahanay ang duha ka mga lider sukad gilunsad ni Trump ang trade war sa China.
Ang tawag, sa hangyo usab sa White House, milungtad hapit duha ka oras.
Giingon ni Trump nga giimbitahan usab niya si Xi nga mobisita sa US.
Gipasalig usab sa China nga ilang tumanon ang ilang gisaad nga pakunhuran ang taripa nga gipahamtang sa mga produkto sa US.
Kahinumduman nga gipasaka ni Trump ang taripa sa mga produkto sa China nga gibaligya sa US ngadto sa 125 porsyento.
Mibalos usab ang China ug gipahamtang ang labaw sa 145 porsyento nga taripa sa mga produkto sa US nga gibaligya sa ilang nasud.
