Nisaka na sa 88 ang patay nga lawas nga nailhan sa South Korean authorities gikan sa Boeing 737-800 plane nga nahagsa ug nasunog sa South Korea .
Bisan ang pagtino sa pag-ila sa mga patayng lawas nahimong lisod, ang mga awtoridad naggamit ug lainlaing bag-ong mga paagi sa pag-ila kanila, sama sa fingerprints, dental record, ug uban pa. Bisan ang mga kabanay sa mga biktima naglisod sa pag-ila sa mga biktima.
Hangtod karon, aduna pa’y napulo ka mga nagpabilin kansang dili matino kung unsa ang pagkatawo.Samtang, 85 sa mga patay ang babae ug 84 ang lalake, matud kini sa inisyal nga impormasyon nga gipagawas sa mga otoridad sa SoKor.
Sa pikas bahin anaa na sa maayo nga kahimtang ang duha ka survivor nga giila sa sa apelyidong Lee, 33 anyos, ug Koo, 25 anyos.
Si Lee ang naka angkon ug multiple injuries ug traumatic spinal injury, samtang si koo ang nakaangkon ug injury sa iyahang tiil ug ulo.
Bisan pa sa grabe nga mga samad, ang duha giingon nga makasulti ug walay timailhan sa pagkawala sa memorya.
Samtang gideklara sa gobyerno sa South Korea ang pito ka adlaw nga pagbangotan alang sa mga nawad-an ug mahal sa ilang kinabuhi sa makalilisang nga trahedya.
