Nagpadayon ang panagsangka sa Habagatang Lebanon bisan pa man sa pagdawat sa Israel ug Hezbollah sa plano sa ceasefire nga gisulong sa Estados Unidos.
Matod ni US President Donald Trump, nagkasabot ang duha ka panig nga undangon ang pagpamusil human niya makig-estorya sa ilang mga representante.
Gidawat usab sa Hezbollah ang kasabutan nga hunongon ang mga pag-atake batok sa Israel isip baylo sa dili pag-atake sa Israel sa Beirut.
Gikumpirma ni Israeli Prime Minister Benjamin Netanyahu ang kasabutan apan mipasidaan nga magpadayon ang mga pag-atake kung dili mohunong ang Hezbollah sa pagtarget sa mga siyudad ug sibilyan sa Israel.
Bisan niini, miingon ang Hezbollah nga nagpahigayon kini og mga pag-atake gamit ang drone ug artillery batok sa mga sundalo sa Israel, samtang gitaho sa Israel nga napugngan niini ang duha ka projectile nga gikan sa Lebanon.
Aduna usab matod pa mga bag-ong airstrike nga gihimo sa Israel sa Habagatang Lebanon.
Mipasidaan usab ang Iran nga ang bisan unsang paglapas sa ceasefire sa Lebanon mahimong isipon nga paglapas sa kasamtangang kasabutan tali sa Iran ug Estados Unidos.
Samtang, giingon ni Trump nga nagpadayon ang diplomasya ug epektibo gihapon ang kasabutan sa ceasefire.
