Mikabat sa 219 ka tawo ang naangol samtang 780 usab ang nadakpan human mibuto ang kagubot tali sa mga football fans ug kapulisan sa Paris human sa kadaugan sa Paris Saint-Germain sa UEFA Champions League Final batok sa Arsenal F.C..
Sumala sa French Interior Ministry, walo sa mga naangol ang anaa sa seryosong kondisyon samtang 57 usab ka police officers ang nasamdan atol sa kagubot.
Nakit-an usab nga patay ang usa ka 24-anyos nga lalaki human sa aksidente duol sa Paris ring road diin misulay og barikada ang mga rioters.
Makita sa mga video ang pagsunog sa mga motorsiklo ug electric bikes, pagbuak sa mga tindahan, ug pagpabuto og flares sa kadalanan samtang gigamit sa pulisya ang tear gas aron mabungkag ang panon sa mga tawo.
Bisan pa niini, padayon gihapon ang preparasyon alang sa victory parade sa PSG duol sa Eiffel Tower nga bantayan sa kapin 6,000 ka police officers.
