GENSAN-Gipahayag ni Atty. Jose Villanueva, Assistant Regional Director sa COMELEC Region 12, nga ang Commission on Elections mosunod lamang sa mga nakalatad sa balaod ug magpatuman sa kung unsay gikinahanglan sa lehislasyon mahitungod sa Sangguniang Kabataan (SK).
Kini may kalabutan sa giingon ni Interior Secretary Jonvic Remulla nga adunay suhestiyon nga tangtangon ang SK tungod sa alegasyon nga mahimo kini’g tinubdan sa korapsyon.
Gipatin-aw sa opisyal nga ang COMELEC magpabilin sa pagpatuman sa balaod, ug samtang wala pay bag-ong lehislasyon nga mopahunong o mag-usab sa SK, magpadayon gihapon ang operasyon niini.
Gipunting usab nga ang SK adunay dakong papel sa kabatan-onan ug kinahanglan hatagan og hustong giya ug training, kay sila ang giisip nga umaabot nga lider sa nasod
